أرشيف كلمات الترانيم المسيحية | قاعدة بيانات الأناشيد الروحية على الإنترنت

فهرس الترانيم | ترنيمة مكتوبة | نص الترتيلة

كلمات ترنيمة العذارى الحكيمات *

 

1- المصباح مليان بالزيت                 ماسكه بإيدي ومنتظراك

نسهر طول الليل بنصلي               في استعدادنا بنستناك

الزيت هو جهادنا معاك                 واعمالنا اللي بيها هنلقاك

صوم وصلاه وتداريب روحية                  علشان نحيا معاك في سماك

 

كل جهادكم محفوظ عندي              حتى الصلاه لو من غير صوت

وعشان مصابيحكم متقاده              (هتحيوا معايا ف الملكوت) (2)

 

القرار

يشبه ملكوت السماوات            خمسة عذارى كانوا حكيمات

كسبوا نعيم الأبديات               علشان سهروا استنوا الرب

القناديل بالزيت مليانه             وحياتهم كانت بأمانه

ونفوسهم بيسوع فرحانة           فرح حقيقي نابع من القلب

 

2- جينا في ايدنا المصابيح قايده          وقلوبنا بتهتف صلوات

ومعانا الزيت اللي هيكفي              نكون وياك طول الأوقات

كنا بحب بنحمل نيرك                  والإنجيل سمانا حكيمات

احنا فرحنا بجد لإنك          جاي هتاخدنا على السموات

 

أنا من حبي هاخدكم عندي             راح أعوضكم على اللي فات

انتوا تعبتوا جاهدتوا صبرتوا                   (اليوم هتنولوا التطويبات) (2)

 

3- إبليس كان عايز يكسرنا                ويفصل بينك ربي وبينا

بالنوم دايماً كان بيحاول                نفسه بكل حروبه يشغلنا

كنا بنتمسك بوعودك          واثقين انه ما يوم يكسرنا

كل حياتنا ليك نهديها                   يا عريس لنفوسنا ونصيبنا

 

تعالوا إليَّ يا متعبين           ياللي تعبتوا عشاني لسنين

إنضموا لصفوف أولادي               (والأبرار والصديقين) (2)

 

4- انت حقيقي شبعنا يا ربي              وفرحنا بيك دا مالوهش حدود

كل ما كانت الضيقة بتكبر             مش بنخاف دا أبونا موجود

انت سر سعادة روحنا                  سلامك في الآلامات بيسود

وان كنا ضعاف ممكن نسقط           انت بمراحمك بتجود

 

بالمجد حياتكم راح تكمل               بالتسبيح برضه هتحيوها

ويا ملايكة وفرح دايم                   (واتعابكم برضه هتنسوها) (2)

 

5- يا هنانا بوجودنا ف قربك              يا إلهنا الصالح القدوس

ولسه هنحيا يا رب في مجدك                   ونرنم دايماً أجيوس

ونشارك الأبرار في صلاتهم          مع تسابيح ني أنجيلوس

في المجد الأسمى هنعيش لك          وحدك يا رجاء النفوس

 

السما هتكون مسكن ليكم               ويا جموع القديسين

كل اللي هيحيا ويجاهد                 (واللي يكون في جهاده أمين) (2)

____________________
* كلمات: عادل حفظي - ألحان: مارفي صمويل - ترنيم: مارفي صمويل، مادونا مجدي، ماريا نظمي، يوستينا ظريف، إنجي سلامة - القس فيلوباتير كمال.

---