أرشيف كلمات الترانيم المسيحية | قاعدة بيانات الأناشيد الروحية على الإنترنت

فهرس الترانيم | ترنيمة مكتوبة | نص الترتيلة

كلمات ترنيمة أبطال الإيمان *

 

ربنا إختار الضعفاء غزا بيهم كل المعمورة
ويسوع قال طوبى لبسطاء ودعاء وقلوبهم مكسورة
ومكانش التلاميذ عظماء ولا نبلاء وجمال الصورة
مكتبش الأناجيل علماء والناس كت بيهم مبهورة
مبيدعيش الشخص الجاهز بيجهز المدعوين
بإستخدامه لواحد عادى بيبن المجد لمين !
وأبطال الإيمان فى الكتاب مكنوش شرفاء ولا كاملين
مشيئته يستخدم المزدرى واللى كأنهم مش موجودين
يعقوب كان كداب ومخادع ويونان متمرد مش خاضع
سامرية عايشة حياة فانية و راعوث أرملة ورحاب زانية
متى عشار وشاهد باطل وداود كان يوم زانى وقاتل
ليئة كانت زوجة مكروهة وثامار غدر بيها أخوها
زكريا عجوز؟ إبرام أكبر تيموثاوس شاب؟ أرميا أصغر
فينيقية بنتها مسكونة والمجدلية مجنونة !
و إذا كان ربنا بيستخدم اللى زينا يبقى ممكن يستخدم أى شخص
مارس حضورة وإسمع ليه ثق فى كلامه بدون فحص
هو كمان عايزك تستمتع وإنت بتستخدم مواهبك
إوعى تقلد ولا تنافس دورك فريد والعالم محتاجلك
خليك مبدع مهما كانت كلمات الناس محبطة ليك
خليك أصلى حتى إن ظهرت الفكرة غريبة حتى عليك
يمكن تلقى مديح الناس أو تتقلب الدنيا عليك
إللى يهم إنك تستخدم الوزنة اللى عطاها باريك
كل اللى عليك إنك تقعد تسمع روحه بيهمس ليك
وتسيبه يحقق بيك خططه يظهر صورته وقوته فيك

____________________
*

---