أرشيف كلمات الترانيم المسيحية | قاعدة بيانات الأناشيد الروحية على الإنترنت

فهرس الترانيم | ترنيمة مكتوبة | نص الترتيلة

كلمات ترنيمة أوبريت إلهك اختارك *

1- يا ابونا صلي لاولادك        نعيش لإلهنا مهما يكون

وما تبطلش صلواتك        دة بالصلاة كل صعب يهون (2)

جهادنا يا ابونا وجهادك        بيحتاج إيد إله الكون

القرار:

وكيل وإلهك إختارك        مؤيد م السما بالروح

ونور شمسه سكن دارك        وعينه عليك مكان ما تروح

وحافظك كل مشوارك        وسابلك كل باب مفتوح

2- على رسمك هنمشي طريق        بإنجيل ربنا مرسوم

آياته هتبقى لينا صديق        وتعزياته تعيش وتدوم (2)

ومهما يكون يا ابونا الضيق        وراك هنعدي يوم ورا يوم

3- يسوع بَّين لنا حبه        لما يا بابا نادى عليك

بقيت راعي تقود شعيه        وهو بروحه هيقويك (2)

عشان شافك حسب قلبه        عصا رعايته وهبها ليك

4- كلامك يملا قلبنا نور        يوصلنا لطريق الله

ومهما هاتيجي أي شرور        هننسى معاك ليالي الآه (2)

وإبليس حتى لو هَيثور        نهايته بوقفة فيها صلاة

5- بكل الفرحة والتهليل        فرحنا برب روحه دعاك

تعالى يا بابا إرفع شيل        حمول شعب بصلاة إستناك (2)

صحيح حمل الرعاية تقيل        لكن ربك يا بابا معاك

____________________
* كلمات وألحان: مينا فوزي - ترنيم: مريم بارح - شادي معوض - مريم جاد - كريستين منير - جاكوب ماهر - مريم فتحي - أرسانيوس صبحي - إيرين رؤوف - مينا فوزي.