أرشيف كلمات الترانيم المسيحية | قاعدة بيانات الأناشيد الروحية على الإنترنت

فهرس الترانيم | ترنيمة مكتوبة | نص الترتيلة

كلمات ترنيمة أعاتبك وَلَّا بلاش؟ *

 

١
كده برضه يارب تسيبني
وانا حاطط أملي فيك
قال وانا فاكرك حاببني
اهي بعدت عني ايديك
- مين قالك اني سبتك ؟
جبت الكلام ده منين
انا هفضل دايما جنبك
في الضيق والشدة معين

"القرار"
- ده انا ابوك وحنين اطمن فاكرك ومبنساش
وانا ابنك برضه وبحبك طب اعاتبك ولا بلاش
- يا حبيبي دي خطه راسمهالك وايديك مسبتهاش
يعني انت معايا ؟
- طبعا ، وعليك دمي ده ميغلاش

٢
ده انا قولت انك نسيتني
يا الهي وسبتني
مبقتش تهتم بيا
وبطلت تحبني
- قوم بص علي ماضيك
وشوفني عملت ايه
من كتر حبي فيك
دمي هديتك بيه

٣
يا الهي حقك عليا
ده انا ف حنانك شكيت
ده انت جواك حنيه
زيها ف الناس ما لقيت
- شايلك ف حبابي عينيا
وعمرك ما اتنسيت
ومحبتي ليك ابديه
وعشانك يا ابني انا جيت

____________________
* كلمات: مينا مجدي -ألحان: مارفي صموئيل - ترنيم: فريق ملك السلام - أداء فردي: يوسف حشمت، إرميا يوسف، مريم جابر، فايق بشرى.

---