أرشيف كلمات الترانيم المسيحية | قاعدة بيانات الأناشيد الروحية على الإنترنت

فهرس الترانيم | ترنيمة مكتوبة | نص الترتيلة

كلمات ترنيمة آدم.. أين أنت؟ *

 

آدم..أين انت؟
شايف نفسك عريان
وانا شايفك لسه إبن
خايف ومافيش أمان
وناسي إن لك حضن

1- شفت ف نفسك إله
يفصل في (الخير والشر)
تصنع وحدك حياة
فَ دفنت نفسك يا حُرّ
اخترت لك الحياة
وخَيّرتك تبقى حي
رحت اخترت اتجاه
ما اختارش فيه أي شيّ

2- أوجدت فيك احتياج:
”لا تكمل إلا بي“
وقربي هو السياج
لوجودك من حبي
تركيزك على امتلاك
ذاتك بدوني هلاك
ونسيت ان الحياة
هي: ”منحة اني معاك“

3- قطفت من غيري ليه؟
قطعت نفسك فَ متّ !
والغصن من غيري إيه؟
غير صورة يابسة..ف خفت
والخوف خلاك تعيش
في البعد عني كعبد
لو كنت رافضك ما اجيش
و(الستر) ف يدّي (رَدّ)

4- مرايتك أنت دي غاشة
و ف عريك أنت تحط
رتوش إنما هاشّة
تسقط لأنك سقطت
(محدود) أنت وعجيب
ف رفضك أي (حَدّ)
مع إن وجهي قريب
لك.. وانت فيه (لا تُحَدّ)

____________________
* من مرنمي الترنيمة: المرنم ماهر فايز

---