|
|
|
| |
|
|
|
|
| |
تصنيف موضوع الترتيلة: (إظهار/إخفاء) |
|
1- الشمس ما رضيتش
إنها تشوفك بتموت
غابت و الكون في ذهول
إزاي خالقنا مصلوب
إنت خالقني في الجنة خليتني
ملك على المخلوقات
كنا بنحكي و كنا بنمشي
مع بعض زي الأصحاب
لكن زمان لحظة هوان
إخترت إني أتعدى الوصية
جريت بعيد و سبت إيديك
رحت لعدوي و سمعت للحية
2- كان العقاب الموت
بقيت بعيش الموت
بعدما كنا أصحاب
دلوقتي مفيش
غير خوف و سكوت
كنت لما أغلط بقدم ضحية
تاخد الموت عني
لكن إيه يكفي يمحيلي الخطية
و يرجعلي سلامي
جيت بأعمال صالحة
قدام الحكم بموتي تشفع ليا
لكن ميزان حكمي مليان
و إيه يوفي عدل الحرية
3- جه الناموس يثبت
إن انا عاجز ضعيف
و الذبايح بتمهد
لمجيئك إنت للصليب
جيت من عذراء
عشت من غير خطية
كنت بتحيي و بتشفي
الخالق كان القاضي والضحية
جه للمخلوق يفديه
سبت الأثيم ينفذ فيك
الحكم بموته و إديته النجاه
على الصليب خليتني برئ
و لما قمت إديتني الحياة
لما السجين يخرج برئ
من سجنه يرجع بيته من تاني
لكن لبيت الآب العظيم
رجعتني و خليته عنواني
____________________
* كلمات وألحان وترنيم: مينا جميل - مراجعة لاهوتية: ق. أمير
ثروت - توزيع موسيقي أول وأصوات: محب صفا - كوير (كورال): مريم رجائي، محب صفا،
سامي ناجي
الكتاب المقدس: بحث، تفاسير | القراءات اليومية | الأجبية | أسئلة | طقس | عقيدة | تاريخ | كتب | شخصيات | كنائس | أديرة | كلمات ترانيم | ميديا | صور | مواقع
https://st-takla.org/lyrics/ar/songs/haa/7ekayet-el7ayah.html
تقصير الرابط:
tak.la/826rgz5