كلمات ترنيمة هاعدي هاعديهاعدي هاعدي

1 (هاعَدِّي وهاتعَدِّي آلاماتي وكل ضيقة أنا عِشتَها هاعَدِّي وهاتعَدِّي نكَباتي أنا أقوى بِيك مِنَّهَا)2 (وهاتمُرّ صُوَر المُرّ قُدَّام عينيَّ كذكريات والسِّرّ إن انتَ حَيّ وقُمت من بِين الأموات)2 (أمِّنتَك وآمِنتَك على كل ما عندي وأماني وإيماني في الوعد يا سَنَدي)2 (في 4: 13)إعادة صياغة أَسْتَطِيعُ كُلَّ شَيْءٍ فِي الْمَسِيحِ الَّذِي يُقَوِّينِي.

2 (هاعَدِّي وهاتعَدِّي لحظات الحِيرة والشَّكّ وظلامي هاعَدِّي وهاتعَدِّي نبَرات الحزن وكآبِة كلامي)2 (وآديني فارِد إيديني مصلوب وغالب كما المسيح في القبر مِستَنِّي فَجر وقيامتي جايَّاني بتسبيح)2 (وثباتي في الآتي بعهدك مِش بعهدي والنُّصرة والقُوَّة في إيديك وانا معَدِّي)2 ‹1/2›(رو 8: 37)تلميح وَلكِنَّنَا فِي هذِهِ جَمِيعِهَا يَعْظُمُ انْتِصَارُنَا بِالَّذِي أَحَبَّنَا. (غل 2: 20)تلميح مَعَ الْمَسِيحِ صُلِبْتُ، فَأَحْيَا لاَ أَنَا، بَلِ الْمَسِيحُ يَحْيَا فِيَّ. فَمَا أَحْيَاهُ الآنَ فِي الْجَسَدِ، فَإِنَّمَا أَحْيَاهُ فِي الإِيمَانِ، إِيمَانِ ابْنِ اللهِ، الَّذِي أَحَبَّنِي وَأَسْلَمَ نَفْسَهُ لأَجْلِي.

3 (هاعَدِّي وهاتعَدِّي بثواني الرَّاحة في ساعات الغريب هاعَدِّي وهاتعَدِّي بحلاوتها وجمالها ولو للمشيب)2 (وهاينتهي كل ده في لحظة ما هايجيني وأراه وبجسم جديد روحاني مجيد هاشوفه واعيش معاه)2 (وهاقضي في المجدِ حياة في نور أبدي وهارنم وانا باخدم في بيت الآب سيدي)2 (1 كو 15: 52)إعادة صياغة فِي لَحْظَةٍ فِي طَرْفَةِ عَيْنٍ، عِنْدَ الْبُوقِ الأَخِيرِ. فَإِنَّهُ سَيُبَوَّقُ، فَيُقَامُ الأَمْوَاتُ عَدِيمِي فَسَادٍ، وَنَحْنُ نَتَغَيَّرُ.

4 (هللويا هللويا دي حياة في نُور أبدي هللويا هللويا في بيت الآب سيدي)2