كلمات ترنيمة الشك خنيالشك خني

الشك خني فكرت أني يا رب غايب عن عنيك حسيت كأني متساب وتايه وحدي ضايع من أيديك ونسيت يا ربي غلوتي عندك أه نسيت بس أنت جتني وسمعت صوتك تاني بيقول مش ناسيك بصيت لاقتني متشال ومرفوع بالحنان فوق منكبيك وضاع مرار الشك أول ما انت جيت

شددني لحضنك ضمدني لصدرك بحنان ومسحت دموعي الحيرانة وشيلت الأحزان ونزعت الخوف اللي سكني ورديته أمان وطاطيت وبقيت مكسوف منك وبقيت خجلان

سامحني غلطان سامحني مكنش قصدي أشك لحظة يا رب فيك كان جهل مني أزاي سمحت لنفسي آلوم وأعتب عليك أسف عشان شكيت في يوم إني أتنسيت أسف لإني ملمستش أنك جنبي ومحستش بيك عارفك صايني ايوة عارف عمري يوم ما هاهون عليك يا أبويا ياللي تحت جناحينك بانيلي بيت (إش 49: 15)تلميح «هَلْ تَنْسَى الْمَرْأَةُ رَضِيعَهَا فَلاَ تَرْحَمَ ابْنَ بَطْنِهَا؟ حَتَّى هؤُلاَءِ يَنْسَيْنَ، وَأَنَا لاَ أَنْسَاكِ.

ثبت إيماني وعلمني وخدني لقدام وساعدني أكون فعلا أبنك مش بس كلام وارتاح بين احضانك واقدر أغمض بسلام من غير ما اقلق لا من الدنيا ولا من الايام