كلمات ترنيمة سرك يا ربي ليش عني مختفي *

تنسيق مختلف من موقع الأنبا تكلا

سِرَّكْ يا ربِّي ليش عنِّي مِختفي
وساكِن بكاس بقلب خِبزِه مدوَّرَة،
خلِّي عيوني تشوف ربّي
وتُنطفي وقتِ العَتِم بيصيرْ شمس منوَّرا.

مَرقتْ السنين والحِلم بقلبي يكبر،
قَضِّي الساعات إتأمّل فيك وإسهر،
حدِّ الشمعات غِفيانِة صوتِ الناياتْ
حِزنانِة وعيوني بكاسَك تِسكَر.

عنِّي محجوب داخل كاس وقرباني
لكن موجود بقلبي وبوجداني،
وجودَك خشوع ورهبة بيعطي
السعادة لقلبي بينقلني لدنيي تاني.

مرَّة تمنَّيت اسهَر عندَك سهريِّة،
أنا والليل مع نَجماتُو المُضويّة،
نَجماتُو نِعسوا وناموا والليل تغطَّى
بِحرامُو وبقيِتْ سِهراني عَينيّ.

إركع ساعات غرقان ببحر جفونك
صعب الحياة ربِّي وقاسيه من دونك
حِسّ بإيدَيك تحملني عَ دنية حبّ
توصّلني شوف الأمان بعيونَك.

مرقت السنين والحلم بقلبي يكبر         قضّي السّاعات إتأمّل فيك واسهر (2)
حدّي الشمعات غفياني         وصوت النايات حزناني         وعيوني بكاسَك تِسكر

- عني محجوب داخل كاس وقرباني         لكن موجود بقلبي وبوجداني (2)
وجُودَك خشوع ورهبه         بيعطي سعادة لقلبي         بينقِلني لدنيي تاني

- مرَّة تمنَّيت إسهر عندَك سهريّه         أنا والليل مع نجماتو المضويّي (2)
نجماتو نِعسوا وناموا         والليل تغطّى بحرامو         وبقيِت سِهراني عينيِّ

- إركع ساعات غرقان بْبحر جفونك         صعبي الحياة ربّي وقاسي من دونك (2)
حِسّ بإيدَيك تحمِلني         عَ دِنيِة حُبّ توصّلني         وشوف الأمان بعيونَك