أرشيف كلمات الترانيم المسيحية | قاعدة بيانات الأناشيد الروحية على الإنترنت

فهرس الترانيم | ترنيمة مكتوبة | نص الترتيلة

كلمات ترنيمة أقرب واحد ليَّ *

 

1- (أقرب واحد ليا               لما احتاجلك بالاقيك

أسرع واحد تيجي                قبل الكل ف وقت الضيق) 2

لما بتنزل دمعة عيني                       لما الدنيا تضيق

تيجي بسرعة تاخدني           في حضنك وتخبيني فيك

 

القرار :

(علمني اتعلم منك               واسعى واعيش ف رضاك

زي ما تشتاقلي اشتاقلك         واستنى لُقاك) 2

دَوِّب قلبي ف حبك أكتر        والقعدة معاك

دا انا من غيرك ما اسواش حاجه   دا انا قيمتي في دِماك

 

2- (دايماً حاسس بيا             وبتحرسني عينيك

لما باحس ان انا وحديا           باجري بسرعة عليك) 2

فاتح حضنك تستقبلني           دايماً باحتاج ليك

واخد بالك مني تملي             وشايلني ف عنيك

 

3- (أصغر حاجه عارفها        لو أنا ما اعرفهاش

لما باتضايق تضايق             وتقول لي ما تسواش) 2

وتفكرني بكل وعودك           دا انت ما بتنساش

دي الحاله لو مهما كانت        وياك راح تتعاش

 

4- (أطيب أب باجيله                        بحالتي مهما كان

ضعفي كاسرني وخوفي ماليني            باتوه وتعبان) 2

بتقابلني بكل محبة               لهفه وشوق وحنان

مش هالاقي زيك أبداً                        ف الجود والإحسان

____________________
* كلمات: ق. منسى يوسف - لحن: مارك اسحق - ترنيم: إيفا جمال.

---