قرار
الساعة حداشر دعاني وزي الكل أعطاني
خلاص مجاني أعطاني يا فرحتي لما دعاني
1/2(مت 20: 6)إعادة صياغة
ثُمَّ نَحْوَ السَّاعَةِ الْحَادِيَةَ عَشْرَةَ خَرَجَ وَوَجَدَ آخَرِينَ قِيَامًا بَطَّالِينَ، فَقَالَ لَهُمْ: لِمَاذَا وَقَفْتُمْ ههُنَا كُلَّ النَّهَارِ بَطَّالِينَ؟
(مت 20: 9)تلميح
فَجَاءَ أَصْحَابُ السَّاعَةِ الْحَادِيَةَ عَشْرَةَ وَأَخَذُوا دِينَارًا دِينَارًا.
1
أنا كان لي كتير من الأشغال وفي الحقيقة كنت بطال
وأمر خلاصي مش على البال يا فرحتي لما دعاني
2
كان فكري إنه لسه بدري وأنا غفلان ولا أدري
أتاري الوقت بيجري يا فرحتي لما دعاني
3
لحد ما بقت الساعة حداشر وأنا مغلوب من الخطأ والشر
غرقان ومش عارف لي بر يا فرحتي لما دعاني
4
والعمر كله ولى وراح ولا في يوم كنت أنا مرتاح
وعشت محروم م الأفراح يا فرحتي لما دعاني
5
لحد ما مر بيا مخلصي وفاديا
وقال لي قوم الساعة دي يا فرحتي لما دعاني
6
هي الساعة الأخيرة هاشتغل بكل غيرة
إلى نهاية المسيرة يا فرحتي لما دعاني
7
حبيبي وعدني يا هنايا اخدمني وهاتكون ويايا
وهانسى تعبي وشقايا يا فرحتي لما دعاني
