كلمات ترنيمة براحتك *

1- مع اني مش فاهم        ونفسي أقولك ليه

وشايف انك كان ممكن        تعمللي اللي أنا عايزه وعادي

هاسكت وأقول حاضر        واللي انت تؤمر بيه     

وخلاص مافيش مشكلة        مادام انت يا رب راضي انا راضي

القرار

أقول على حاجة        براحتك

أنا عمري يا رب في يوم ما ندمت        وعمري ما هاندم على طاعتك

وبراحتك          ما انا راحتي ف راحتك

وانا عند كلامي ومش هازعل        أنا واثق أوي فيك وف وقتك (2)

2- أنا حتى لو شايف        ان الطلب ده مباح

بس انت قلتلي لأ خلاص        أنا عارفك عامل ده لخيري

مش لازم اتضايق        مش لازم الإلحاح

وكمان مش من حقي أحاسبك           اشمعنى إديت زيه لغيري