أرشيف كلمات الترانيم المسيحية | قاعدة بيانات الأناشيد الروحية على الإنترنت

فهرس الترانيم | ترنيمة مكتوبة | نص الترتيلة

كلمات ترنيمة لو إيمانكم حبة خردل *

 

1-    كان ياما كان كان فيه قديس            قديس كان اسمه سمعان

سمعان كان شغلته خراز               الخراز بالملكوت فاز

(علشان كان راجل غلبان قلبه بحب يسوع مليان) 2

وفي عهد الأنبا إبرام               حكيم جاله ما كنش مصدق

قال له في انجيلكم كلام             إزاي ممكن يتحقق

 

القرار

لو إيمانكم حبة خردل              فأكيد ربنا ممكن يقدر

بصلواتكم تشقوا جبال             ومن مكان لمكان يتنقل

 

2-    القديس بإيمانه الثابت                   صلى لحد ما بان له دليل

والعذراء في اليوم الثالث               وقفت تثبت الانجيل

وقالت له القديس سمعان               إنسان بار وصلاته قوية

ضحى بعينه لما لقى                    هتسببله وقوع في خطية

 

3-    كل الناس راحت لمكان                موجود فيه الجبل العالي

قدامه وقف سمعان                       بيصلي ليسوع الغالي

ويردد ويقول من ثاني                  دي ارادتك يا إلهي وأمرك

قدام كل الناس في ثواني                بإسم يسوع الجبل أتحرك

 

4-    اللي ماكنش مصدق صار              جوة في قلبه إيمان جبار

وأتعمد على أسم يسوع                 خير وسلام وصلاة من نار

أما القديس سمعان خاف                ياخد مجد ما يستهلوش

يزعل منه الرب يسوع                 اختفى عن كل الأنظار

____________________
*

---