كلمات ترنيمة شجرة الطاعةشجرة الطاعة

1 كان زمان فيه قديس راهب اسمه الأنبا بموا وكان ليه تلميذ قصير بار ومطيع واسمه يوحنا ليهم قصة حلوة جميلة قريناها فى بستان رهباننا تعالوا بينا نسمعها نعيشها ونتعلم منها

2 وفى يوم حب الأنبا بموا يختبر تلميذه يوحنا اداله عصايا وقاله خدها ازرعها وارويها لنا وبطاعة وكل احترام سمع يوحنا كلام أبوه وخد العود الناشف لكن كانت الميه بعيده عليه

3 كان يوماتى فى عز الليل يمشى مسافة فى البرية يرجع الصبحية معه جره ومليانه ميه يروى بيها عصايا ناشفة زى ما تكون شجرة عادية لا بيتكلم ولا بيعارض ثلاث سنين على الحالة دية

4 بان فى الآخر ثمر الطاعة والعصاية دى بقيت شجرة شجرة جميلة جوا الصحراء ليها أغصان وليها ثمرة جمع الأنبا بموا ولاده كل تلاميذه ورهبانه وحكالهم أجمل حكاية حكاية الطاعة م البداية