أرشيف كلمات الترانيم المسيحية | قاعدة بيانات الأناشيد الروحية على الإنترنت

فهرس الترانيم | ترنيمة مكتوبة | نص الترتيلة

كلمات ترنيمة لقي يسوع أعمى *

 

القرار:

لقي يسوع أعمى           لا هو أخطأ ولا أبواه

لكن علشان تبان أعماله فيه           ويتمجد اسمه العظيم

1- طلى عينيه بالطين وقال له           روح اغسلهم في بركة سلوام

رجع الأعمى شاف بعينيه            إحتار اليهود وقالوا له جرى أيه

قول لنا إزاي فتح عينك               قال وضع الطين على عيني الأثنين

رحت غسلتهم وجيت               دلوقت شايفكم قاعدين فين

2- إتغاظ اليهود سألوا أبويه               هو دا إبنكم وإزاي بيشوف

ردوا وقالوا دا أبننا صحيح            مولود أعمى وجوابنا صريح

أما أنه ازاي بيشوف                هو كامل السن ما تسألوه

جابوه وقالوا له دا انسان خاطئ                جاوبهم وقال أنا ما أعرفش

لكن أعرف بس شئ واحد             اني كنت أعمى والآن أبصر

3- قال لليهود كلام حكيم               كلام بسيط معناه عظيم

عمرنا ما سمعنا من يوم ما اتخلقنا               عن واحد فتح عينين أعمى

لازم يكون دا من الله                علشان يقدر يعمل ما عمل

لما لقوه بيوبخهم            قالوا له ياللا أخرج بره

جاي تعلمنا يا مولود خاطئ           أوعى تيجي هنا بالمرة

4- قابله يسوع لما طردوه                 لكلامه الحلو آمن به

سجد وقال له يا ربي                أنت بالحقيقة ابن الله

أرى عجيبه به من عجايبه           علشان تمجده وتباركه

يا من شفيت المولود أعمى            اشف أجسادنا وأرواحنا

____________________
* نفس لحن ترنيمة: "طوبى للرحما".
* عن شفاء المولود أعمى.

---