كلمات ترنيمة أنا ليَّ شفيعأنا ليَّ شفيع

1 انا ليا شفيع اول مااطلبه بلاقيه علي طول وبحس ان انا منه مسئول وقت الشدة بيشددنى وبيرشدني وبيهديني

2 وانا ليا شفيع بتكلم وياه وبحكيله باخد رأيه ولما اشكيله بيحس بوجعي يقف جنبي ويطيب خاطري يهديني

3 وانا شفيعي البابا كيرلس..الطيب ابو قلب حنين بسمع صوته في كل صلاتى بيقولي متخافش اطمن

4 ونقاء القلب المتكامل..القديس ابونا بيشوى كامل منه اتعلمنا ان الخدمة..بذل وجهد.. عطاء متبادل

5 وانا مهما هقول عن عظمة قديسي شفيعي يعجز لسانى ودة طبيعي دانا لو هحكي عن اعاجيبه همدح والشرح ف وصفه يطول (عب 11: 32)تلميح وَمَاذَا أَقُولُ أَيْضًا؟ لأَنَّهُ يُعْوِزُنِي الْوَقْتُ إِنْ أَخْبَرْتُ عَنْ جِدْعُونَ، وَبَارَاقَ، وَشَمْشُونَ، وَيَفْتَاحَ، وَدَاوُدَ، وَصَمُوئِيلَ، وَالأَنْبِيَاءِ،

6 وبروحله الدير واسند راسي عند مزاره والبال يرتاح من افكاره بنسي هموم الدنيا بحالها وبحس اني كويس وبخير

7 انا شفيعي سيدهم بشاي..ومواقفه معايا بتشهدله ممتنة وبشكره من قلبي..الله علي حنية قلبه

8 وانا شفيعي قديس عظيم.. ابونا ميخائيل ابراهيم ربنا ينفعنا بصلواته اب محب رؤوف ورحيم (يع 5: 16)تلميح اِعْتَرِفُوا بَعْضُكُمْ لِبَعْضٍ بِالزَّلاَتِ، وَصَلُّوا بَعْضُكُمْ لأَجْلِ بَعْضٍ، لِكَيْ تُشْفَوْا. طَلِبَةُ الْبَارِّ تَقْتَدِرُ كَثِيرًا فِي فِعْلِهَا.

9 والبابا شنودة مين ينساه..احلي ايام عيشناها معاه مبينساش ابدا اولاده .. ولا يوم يخذل حد نداه