انتي عارفة جاي وعايز اقولك إيه
انتي عارفة اللي نفسي يا أمي فيه
اللي بيكي اتشفعوا مبيندموش
واللي يندهلك لا يمكن تكسفيه
يا عدرا انا مش هوصيكي
وسيبت الحاجة دي عليكي
يا عدرا انا قلبي محتاجلك
ومتعشم كمان فيكي
انتي فاهمة اللي قلبي معدي بيه
انتي حاسة باللي روحي بتداريه
انتي أقرب مني ليا يا بتول
واللي يبقي عليا صعب تسهليه
كل مرة لما اجيلك في الضيقات
تسنديني تبعتيلي التعزيات
يا معينة يا شفيعتي الطيبة
ياللي مشهورة بأحلي المعجزات
