كلمات ترنيمة همي كبير *

أنا مُش خايف م الأيام
قلبي اتملا بسلام
ده اللي بيحفظني لا يِنعَس
أبدًا ولا بينام


أنا ربي ليَّ مَلجَأ
في أوقات الضيق
إيده بتِنجِد وبتلحق
اللي ف هَمُّه غريق

إيده بتنقذ وبتخلق
راحة وتشفي آلام

***

ما باقولش يا رب انا همي كبير
وباقول يا هَم انا ربي كبير
مهما بيحصل مهما بيتقال
طول ما بيحميني رَب قدير
على كفوف الراحة مِتشال
وبالاقي اللي حَصَل كان للخير

***


مين يإذيني ف كل الكون
مهما علي.. اتآمروا
مين اللي بيقول فَيكون
من غير إذنه.. وأمره!

حاربونا الناس.. جَرَّحوا فينا؟
لَنا الله وِدَه شيء يِكفينا.
خليها على الله ده ما كَسَفناش
ما بينساناش.. عينه علينا

الكبير نَفسُه معايا
خُدوا حَذركوا بلاش تتغَرُّوا


بُص ماهيش طالبة نزاع ولا شَد
ومسير حقك يرجعلك يوم
ويوم العدل على الظالِم اشد
عليه.. من يوم ظُلم المظلوم

اصبر معلش ماهوش إشكال
تَعويض السما لِيه ياما أشكال
إيه بالتحديد؟ ماعرَفش أكيد
باب رزق جديد أو راحة بال

أنا سايبها عاللي ماسابنيش
وعشان كده مِش مهموم