أرشيف كلمات الترانيم المسيحية | قاعدة بيانات الأناشيد الروحية على الإنترنت

فهرس الترانيم | ترنيمة مكتوبة | نص الترتيلة

كلمات ترنيمة عندك حق وقصدك خير *

 

قرار

عندك حق وقصدك خير

للبائس فى وسط الضيق

برج حصين ملجأ م السيل

دى حقايق من غير تلفيق

 

( 1 )

ما انت أمين وما بتسمحشى

بالتجربة غير لو للخير

عارفينك ما بتستحملشى

تشوف أولادك تحت النير

 

( 2 )

اسمك وحدك برج العابد

يركض إليك الصِدِّيق

على صخرك أنا هافضل ثابت

وعدك مضمون التحقيق

 

( 3 )

فى وسطنا قائم جبّار

تحمى ولادك ليل ونهار

وجهك يُشرق بالأنوار

وتفجّر كل الأنهار

 

( 4 )

نَزِّلت المرتفعين

ورَفَعت المتضعين

أشبعت الجياع خيرات

وصرفت الأغنيا فارغين

 

( 5 )

إنت الرب القاضى العادل

وحدك فى إيديك السلطان

وقضيب ملكك استقامة

عرشك فوق كل الأكوان

 

( 6 )

قالوا عنك: حجر امتحان

وطوباه اللى يآمن بيك

مِتأَسِّس تِدى الأمان

ولا يوم يِخزى مُنتظريك

 

( 7 )

مرة تشُق قصادنا البحرْ

مرة تكون وسطنا ف النار

أحكامك أبعد م الفحصْ

طُرقك عارفينها الأبرار

____________________
* من وحي سفر إشعياء.
* كلمات وألحان وترنيم: برسوم القمص اسحق - ألبوم: سمعني صوتك - فريق يو تيرن: U Turn Team

---