كلمات ترنيمة وسط ظروف البلد الدايرة، رايحة لفين؟ أهي ماشية *

1- وسط ظروف البلد الدايرة رايحة لفين أهي ماشية

وسايرة كل الناس قلقانة وحايرة وأنا متصان فيها ومطمن

القرار – أنا متصان فيها ومتطمن أصل إلهي عليها مهيمن

يحصل مهما هايحصل فيها أنا متشال في عينيه ومتأمن

2- أخبار قتل وموت وجريمة والأمان بقى موضة قديمة

والإنسان أصبح بلا قيمة وأنا بدم يسوع متمن

3- ضربة من ضرباته زمان صارت الضلمة في مكان

وبيوت شعبه في نور وأمان قلبه على شعبه بيتحنن

4- مين يمسكها ومين يرأسها لو حتى هايعيد تأسيسها

مش هاشغل بالي ولا أدرسها ولا هافضل أفكر وأخمن

5- هو بإيده ماسك الدفة ومعندوش أحداث بالصدفة

مهما عدو الخير يتخفى الترتيب من فوق متزمن

6- هو نوري وخلاصي لي هو حصني في طول ليالي

مين يؤذيني ويقوي علي لو حتى في هلاكي يفنن

7- يعزل ملوك وينصب غيرها والأزمنة هو يغيرها

لو قال كلمة مين يكسرها واللي يفكر يبقى اتجنن

8- بلدي مباركة ده صوته ووعده وقت الضيق هايعدي

وبعده جاي المجد بفرحة وسعده اللي مصدق وعده يأمن