St-Takla.org  >   lyrics  >   ar  >   songs  >   del
 
St-Takla.org  >   lyrics  >   ar  >   songs  >   del
أرشيف كلمات الترانيم المسيحية | قاعدة بيانات الأناشيد الروحية على الإنترنت
فهرس الترانيم | ترنيمة مكتوبة | نص الترتيلة

كلمات ترنيمة دبة خطاوي *

 

St-Takla.org                     Divider of Saint TaklaHaymanot's website فاصل - موقع الأنبا تكلاهيمانوت

1- دبة خطاوي الرجل كانت ترهب وحوش            وأًّسود ليالي الصحرا جنبه منوره

ده الشر كان قدام شروره يقوم يحوش               من قسوة القلب العروق متحجرة (2)

 

راضع من الشر اللي عاش جواه سنين              قاتل طفولته بكل حاجة مكسرة

متصبرة الأيام بتستناه يلين                           وكأنه لسه فيه جوه حتة منوره (2)

 

القرار

في الشر كان مالهوش كبير                           والشر يشهد له بجدارة وامتياز

موسى اللي كان مجرم خطير                         بالنعمة اخر الرحلة استحمل وفاز  (2)

 

2- دبة خطاوي الرجل ماشيين سرحانين               ايام بتجري والشبع وهم وسراب

انفاسه مهما تطول أكيد دول معدودين               وأكيد إله واحد هيفضل للحساب (2)

 

نادى بصوت أقوى من الماضي السواد              فين سكتك هامشي وراك لو عـ السحاب

كان جوه منه لسه أبيض من البياض                طار جوه منه في فرحته لما استجاب (2)

 

 

3- رقة خطاويه اللي شايله ماضيه معاه                كل اما ينسى شوال ذنوبه يفكره

لسه الشرور مستنياه وموجعاه                       بس الحنين للنعمة واخده بيأسره (2)

 

زي ما كان اصلاً قوي وسط الظلام                 قرر بنفس القوة قلبه يحرره

اصبح عظيم في التوبة وما عدلوش مكان           موسى القوي ع الشر قرر يكسره (2)

____________________
* كلمات: بيشوي جرجس - ألحان: يوسف كمال - من مرنمي الترتيلة: كورال نغمات داود - أداء فردي: ماريان ثروت، أبانوب كمال - ألبوم: ليه يا ابن آدم.
* عن القديس الأنبا موسى الأسود.


الكتاب المقدس: بحث، تفاسير | القراءات اليومية | الأجبية | أسئلة | طقس | عقيدة | تاريخ | كتب | شخصيات | كنائس | أديرة | كلمات ترانيم | ميديا | صور | مواقع

https://st-takla.org/lyrics/ar/songs/del/dabbet.html

تقصير الرابط:
tak.la/67hdvsc