كلمات ترنيمة رماديرمادي

1 علشان الناس حواليك يرضوا وتلاقي قبول لازم حتماً تمشي وراهم في طريق مقبول لو مرة تخالف وتفكر تبقى المسئول وتلاقي الناس يبعدوا عنك وتعيش معزول وأنا عايش أي كلام وخلاص وبامثل على نفسي وع الناس ومادام دي السكة المطلوبة هامشيها كده من غير احساس (رو 12: 2)موضوع وَلَا تُشَاكِلُوا هَذَا الدَّهْرَ، بَلْ تَغَيَّرُوا عَنْ شَكْلِكُمْ بِتَجْدِيدِ أَذْهَانِكُمْ، لِتَخْتَبِرُوا مَا هِيَ إِرَادَةُ اللهِ: الصَّالِحَةُ الْمَرْضِيَّةُ الْكَامِلَةُ.

2 علشان الناس حواليك يرضوا وتلاقي قبول لازم حتماً تنسى ارادتك وتعيش على طول في طريق معلوم بحدود مرسوم وضمير مشلول وتعيش في السر حياة تانية من غير ما تقول وأنا عايش ضد ضميري كمان مش حاسس إني بقيت إنسان وباعيش في الفورمة المطلوبة مبسوط مايهمش لو زعلان

3 يا رب أنا عايز اعيش واضح وإيماني أصيل وانت اللي تحددلي طريقي وتكون لي دليل والخطوة أخطيها بريئة من غير ما تميل واحقق ذاتي وكياني من غير تمثيل مش عايز أمثل وأنادي أنا عايز اكون إنسان عادي والأبيض في يكون ظاهر والأسود مايكونش رمادي مش عايز أمثل وأنادي أنا عايز اكون إنسان عادي مايهمش أرضي الناس لكن إنت اللي تكون وحدك راضي ‹1/2›(مت 5: 37)تلميح بَلْ لِيَكُنْ كَلاَمُكُمْ: نَعَمْ نَعَمْ، لَا لاَ. وَمَا زَادَ عَلَى ذَلِكَ فَهُوَ مِنَ الشِّرِّيرِ. (غل 1: 10)إعادة صياغة أَفَأَسْتَعْطِفُ الآنَ النَّاسَ أَمِ اللهَ؟ أَمْ أَطْلُبُ أَنْ أُرْضِيَ النَّاسَ؟ فَلَوْ كُنْتُ بَعْدُ أُرْضِي النَّاسَ، لَمْ أَكُنْ عَبْدًا لِلْمَسِيحِ.