كلمات تمجيد القديس أبونا سمعان الأخميمي: تلميذ الأنبا توماس *

تنسيق مختلف

(ق) تلميذ الأنبا توماس ترك العالم والناس
عاش بأمانة وإخلاص بنيوت آفا سمعان
1- فى صفوف السمائيين شهداء وقديسين
قائم بمجد عظيم ب . آ . س
2- راهب حياته التسبيح وملايكة معاه بتصيح
بالفرح والمديح ب . آ . س
تلميذ الأنبا توماس ترك العالم والناس
عاش بأمانة وإخلاص بنيوت آفا سمعان
3- فضل حياة الخلوة وحياة طاهرة حُلوة
عاش فى الصحرا جوه ب . آ . س
4- يا حامل الإنجيل يا كاهن قوى وجميل
يا مسلى كل جيل ب . آ . س
5- مهما كانت العذابات فى عصر الإضطهادات
فضلت الأستشهاد ب . آ . س
تلميذ الأنبا توماس ترك العالم والناس
عاش بأمانة وإخلاص بنيوت آفا سمعان
6- نلت كتير من الأكاليل يا شهيد عمانوئيل
وأخذت الرب دليل ب . آ . س
7- يا عظيم فى القديسين يا سائح يا أمين
يا شفيع فى المؤمنين ب . آ . س
8- دى حياتك يا مختار الفكر فيها أحتار
عشت فى كل وقار ب . آ . س
تلميذ الأنبا توماس ترك العالم والناس
عاش بأمانة وإخلاص بنيوت آفا سمعان
9- بشفاعة أبونا سمعان يسمع منا الحنان
نتغلب على الشيطان ب . آ . س
10- دا بيشفى كل مريض وبيطرد حزنه بعيد
ويخلى الكل سعيد ب . آ . س
11- يا عمود فى بيت الله اسمك عمره ماننساه
يا نجم ونور فى سماء ب . آ . س
تلميذ الأنبا توماس ترك العالم والناس
عاش بأمانة وإخلاص بنيوت آفا سمعان
12- يا ساكن الفردوس فى وادى بخرستوس
جسدك هنا محروس ب . آ . س
13- بارك كل أولادك وأذكرنا فى صلواتك
وفى كل طلباتك ب . آ . س
14- اطلب من الرب عنا يغفر لنا خطايانا
يهدينا للملكوت ب . آ . س
تلميذ الأنبا توماس ترك العالم والناس
عاش بأمانة وإخلاص بنيوت آفا سمعان