تماجيد ومدائح الشهداء والقديسين المكتوبة

كلمات تمجيد الشهيد مارجرجس الروماني: في جيوش السمائيين *

في جيوش السمائيين،
الأبطال الحقيقين،
وقف البطل الأمين.

القرار: الشهيد مار جرجس.

في كبادوكية ميلاده،
وبداية أمجاده،
وأساس إستعداده.

والده استشهد بثبات،
وماخافشي من العذابات،
كان باصص للسموات.

تفوق في الفروسية،
والأعمال القتالية،
ونجح في الجندية.

ولأن نجاحه كبير،
وفي عمله أمين وقدير،
اترقى بسرعة أمير.

عمل انتصارات في الجيش،
كان جندى وزيه مافيش،
بالبطولات كان بيعيش.

والدته سافرت بسلام،
للسما وسط الأنغام،
كان سنه ٢٠ عام.

ذهد العالم وما فيه،
قام وزع كل ما ليه،
شاف إن غناه في فاديه.

في زمانه الإمبراطور،
أصدر للناس منشور،
لعداوة أهل النور.

وأمر في كل مكان،
رفض الإله الديان،
وعبادة الأوثان.

قام القديس وثار،
واحتج على القرار،
كان وسط الظلمة نهار.

قطع المنشور بصمود،
قال: مابقدمشي سجود،
غير لإلهي المعبود.

إعترافه كان صريح،
أنا بعبد المسيح،
بصلوات وبتسابيح.

وجابوا له أمرأة تغريه،
بالخطية تأثر فيه،
آمنت هي على إيديه.

وجابوا له ساحر يديه،
سم وبيه يقضي عليه،
خلاه آمن بفاديه.

دخل المعبد بإيمان،
فانكسرت الأوثان،
والضعف عليهم بان،

خلوه مشي ع المسامير،
وكمان دفنوه في الجير،
وعذابات تانية كتير.

٣ مرات كان مات،
وبقوة رب السموات،
قام وعمل معجزات.

٧ سنين تعذيب،
احتملهم بصبر عجيب،
ولا خاف من نار ولهيب.

ظهر له الرب يسوع،
شفى كل مكان موجوع،
آمنت بيه الجموع.

استشهد بعد جهاد،
لما جاله الميعاد،
سافر فوق للأعياد.

السلام للبطل الشهيد،
اللي وصوله السما عيد،
نهديه دايماً تماجيد.

تفسير اسمك في أفواه
كل المؤمنين
الكل يقولون ياإله
مار جرجس أعنا أجمعين.

____________________
*