1
روح الحق لغاته من فوق
طوَّق روحي بحب وشوق
حَط الحق في قلبي وقال
دوق أنا مش هاشرحلك دوق
قرار
و(الترجمان روح الله)2
ترجمان يوصف بحروف
وأبجديات الإنسان
(ترجمان)2
لحد ما هنوصل ونشوف
الحق إللي صار إنسان
1/2(يو 16: 13)تلميح
وَأَمَّا مَتَى جَاءَ ذَاكَ، رُوحُ الْحَقِّ، فَهُوَ يُرْشِدُكُمْ إِلَى جَمِيعِ الْحَقِّ، لأَنَّهُ لاَ يَتَكَلَّمُ مِنْ نَفْسِهِ، بَلْ كُلُّ مَا يَسْمَعُ يَتَكَلَّمُ بِهِ، وَيُخْبِرُكُمْ بِأُمُورٍ آتِيَةٍ.
(يو 1: 14)تلميح
وَالْكَلِمَةُ صَارَ جَسَدًا وَحَلَّ بَيْنَنَا، وَرَأَيْنَا مَجْدَهُ، مَجْدًا كَمَا لِوَحِيدٍ مِنَ الآبِ، مَمْلُوءًا نِعْمَةً وَحَقًّا.
2
غايتي ووسيلتي هو الله
والموصوف والواصف ”ياه“
بروحه بيفتح لي بصيرتي
أبصر والبصير ”الله“
3
احترت انطق شيء لله
في حروف من صنع الإنسان
اخترت اسكت بس الآه
كشفت سر مالوهش يبان
4
وارتحت ان حروف الناس
علشان بس تغطي وتستر
أما الروح عايز إحساس
يكسر جسد الحرف ينور
5
وركبت الغُنى والنغمات
قلت ده عالم تاني كبير
بس الروح قال في السموات
فيه نغم تاني مالوهش نظير
