1
(مش كنا نغني ونقول
نحنا اللي ربينا سوا
زرعنا ورد زرعنا حقول
وشميّنا ذات الهوا)2
حاضرنا هلء خجول
مجروح وناطر دوا
قرار
(يا أرض جدودي وولدي
شو صاير فيكي ردّي
كللنا راسك بالدم
برصاصة بدل الوردة)2
2
(يا كنزي يا تراب أرضي
نحنا عم نكتب تاريخ
بإيدينا عم نصلُب بلدي
متل ما صلَبنا المسيح)2
وقررنا نقطف هالوردة
فكرنا إنه صحيح
3
(يا ريته يطلع كابوس
علواه توقف يا زمان
بكفن زفينا العروس
وبندين فلان وعلان)2
تركنا وصايا الناموس
ونسينا رب الأكوان
(يا رب القدرة الإلهية
بلادي بتندهلك فاديَّ
رجعلي حُب ولادي
وشوفن إخوة بعينيّ)2
(تث 8: 11)موضوع
اِحْتَرِزْ مِنْ أَنْ تَنْسَى الرَّبَّ إِلَهَكَ وَلَا تَحْفَظَ وَصَايَاهُ وَأَحْكَامَهُ وَفَرَائِضَهُ الَّتِي أَنَا أُوصِيكَ بِهَا الْيَوْمَ.
