1
ناس حبتها وناس عشقتها
وناس علشانها موافقة تموت
هي بلادي بلد أجدادي
يعني العادي أحبها موت
2
وأنا دلوقتي هو ده وقتي
حبي مايبقاش بكا وسكوت
أصلي حبيبها وعمري ما أسيبها
هافضل أقولها بعلو الصوت
قرار
(مصر باحبها، مابحبش أبدًا زيها
دي بلادي وباعشق أرضها
وإديت كتير
ربنا حبها، باركها وبارِك شعبها
وهايفضل واقف جنبها
والجاي خير)2
(إش 19: 25)تلميح
بِهَا يُبَارِكُ رَبُّ الْجُنُودِ قَائِلًا: «مُبَارَكٌ شَعْبِي مِصْرُ، وَعَمَلُ يَدَيَّ أَشُّورُ، وَمِيرَاثِي إِسْرَائِيلُ».
3
مصر في محنة ودا دورنا إحنا
إيدنا في إيدها تقوى قوام
عَمَّر وابني، ده لابنك وابني
متجرحشي في مصر حرام
4
وإحنا ولادها؛ يعني سندها
لو أذيناها هاتقوى بمين؟!
قبل ما تحرق افهم فَرَّق،
مصر بلد مش بني أدمين
5
مصر حبيبتي أصلي وطيبتي
حُب وعيت من صُغري عليه
فرحي وجرحي، وجوه ملامحي
كل مكان أنا عديت فيه
6
لو جرحتني، لو دبحتني
سامحت وجرحها ليَّ نسيت
دي بتستنجد وأنا مش هارفض
مصر دي وطني، هاقوم وأحميه
