أرشيف كلمات الترانيم المسيحية | قاعدة بيانات الأناشيد الروحية على الإنترنت

فهرس الترانيم | ترنيمة مكتوبة | نص الترتيلة

كلمات ترنيمة لما باكون مضغوط *

 

1-    لما بكون مضغوط                  باصرخ لكن من غير صوت

حاسس كل ما لحظة تعدي        في عمري باموت

محبط او يئسان                     ولا انا مش حاسس بأمان

ولا القلب ضعيف ومجرح        من الأحزان (2)

 

القرار

باقفل باب عليَّ                     واقف قدامك وانا مكسور

ساكت مش قادر اتكلم              بس دموعي بحور

والقى في عينك دمعة              تشارك حزني وألمي وخوفي

مين غيرك يا يسوع في الدنيا     حاسس بظروفي

 

2-    لما بكون واخد على خطري      ومنك انا زعلان

شايفك ساكت                       رغم ان انا بابكي وتعبان

وآجي واقول ماهو سامع          وشايفني وانا هنا باتألم

ليه واقف تتفرج بس               يا ربي اتكلم (2)

 

3-    ايه اللي يكفيني                     غير انك حاسس بأنيني

وان بإيدك تيجي وتمسح           دمع العين

هافهم انا بعدين                     يمكن بعد سنين وسنين  

ليه خلتني اعدي في كل           وجع وأنين (2)

 

4-    واقفل بابي عليَّ                    واقف قدامك وانا خجلان

واثق انك صالح دايماً              وعايزني فرحان

وابقى فخور وانا باهتف           عارف انا صدقت في مين

لو يرموني في وسط النار         انا ليَّ معين (2)

____________________
* ترنيم: فريق الرؤيه (كنيسة رئيس الملائكة الجليل ميخائيل - مصطفى كامل الاسكندرية).

---