كلمات ترنيمة ليَّ عتاب يا رب عندك  *

تنسيق مختلف من موقع الأنبا تكلا

اسمح لي يا رب أشكي لك .. بس المرة دي منك
اسمعني بدموع بناديلك .. ليَّ عتاب يا رب عندك

سايبني ليه للضياع .. غرقان في بحور الأوجاع
مستني إيه يا رب نفسي .. وقعت وصلت عمق القاع
مستني أرجع لك لوحدي ؟! دا أنت أدرى بيَّ مني
أنا إللي أضعف م الضعف ضعفي .. متستناش أنا ليك مستني

ما أنت عارف يا رب إني .. في الدنيا مفيش أضعف مني
الخطية دمرتني .. قدامها ببقى ذليل ومحني
ليه سمحت يا رب بيها .. ورضيت بإنها تغلبني
حتى إن سبتك وعشت فيها .. انت إزاي يا أبويا تسيبني

مد إيديك خُد بإيديا .. حل بروحك واسكن فيَّ
الحرب حربك حارب وأغلب .. وانتصارك نصر ليَّ
طول ما إيديك ماسكة إيديا .. وعينيك منين ما أروح عليَّ
مطمن قلبي ومش خايف .. ومين ساعتها يقدر عليَّ ؟!