أرشيف كلمات الترانيم المسيحية | قاعدة بيانات الأناشيد الروحية على الإنترنت

فهرس الترانيم | ترنيمة مكتوبة | نص الترتيلة

كلمات ترنيمة جيت أفضفضلك *

 

أديني جيت أفضفض لَك
فَ راح فجأة الكلام منِّي
و مش هأمشِي و بألجأ لَك
ماليش غيرَك فَ شِيل عنِّي
أنا رافِع عينيَّ لفوق
و ساكِت بس بأنده لَك
و لو عَ الكلمة مش نافعة
فَ سيبها دموعي تِشرَح لَك

ق:
أنا مَوجوع مِن الأيام
و مش حاسِس بأي سلام
لكنِّي يا ربِّي كُلِّي رجاء
تبدِّل حالي و أبقَى تمام
أنا عايش مِسَلِّم ليك
أُموري كُلَّها في أيديك
ما أظُنِّش يوم هتِنسَى إنِّي
رميت كل إتِّكالي عليك

ماليش في خنقِتي غيرَك
لا بأيأس يوم و لا ملِّيت
بأميِّل ليك فَ بألقَى بَراح
تريَّحني كأنِّي حكيت
و لَو علَى حالتي مش فارقة
لا يُمكن يوم هتِمنعني
و لو هأقعُد معاك مُدَّة
فَ واثِق فيك هتِسمعني

____________________
* كلمات: بيشوي ماهر - ألحان وترنيم: مارفي صموئيل (كورال مارافرام السرياني).

---