كلمات ترنيمة تخطيطك رائع لحياتنا، ولا يمكن أبدًا تغلط *

(1) تخطيطك رائع لحياتنا ولا يُمكن أبدًا تِغلط
من كلّ كلامك الصَّالِح مِش مُمكن كِلمه ها تِسقط

عارِف إيه الأفضل لينا كلّ حياتنا معاك في أمان
حاشا ف يُوم إنَّك تإذينا كلُّه لخيرنا مهما ان كان

(2) صالِح دايمًا مهما بيِحصل عارِف إنتَ بتِعمِل إيه
قصدَك دايمًا هوّ الأفضل ليك الحكمه ف إمتى وليه

ليك في الموت أكتر من مخرج وبتغيَّر أوقات وأزمان
وِمن الجافي حلاوه بتِخرِج وحدك ليك كلّ السُّلطان

(3) عِينك دايمًا ع الِّلي يخافَك والِّلي بيترجَّى مراحمَك
عَندك رحمه وخير لِولادك صالِح وِكتيره أمانتك

فكرك دايمًا من ناحيِتنا خير وِسلام والآخره رجَاء
وِبتحملنا ف طُول سِكِّتنا وعَندك لينا يا ربّ شِفاء

(4) إنتَ إله القُدره وملجأ في رعايتك تِحمِل وتصون
وبيَدَّك تِرسِم أيَّامنا مُستقبلنا معاك مضمون

رَاسِم كلّ العُمر وعارِف كلّ الخير لِحياتنا منين
لمَّا بنِتعب وحدك شايِف تِقدر تِسنِد ما انت مُعين