قرار
بارفع اسمك عالي
وباعليك فوق كل غالي
حبك لي هو ضماني
بطول الطريق
ده انت إلهي الغالي
وفرحة قلبي وكل آمالي
وجودك جنبي هو أماني
إنت الصديق
1
بتنور ضلمتي
وبتشفي وحدتي
وف عز الضعف تكون
لي فرحي وقوتي
2
بايدك بتغطيني
وجوه ف قلبك بتخبيني
ومعايا إنت تكون
فوق الصعب بتعليني
(مز 32: 7)تلميح
أَنْتَ سِتْرٌ لِي. مِنَ الضِّيقِ تَحْفَظُنِي. بِتَرَنُّمِ النَّجَاةِ تَكْتَنِفُنِي. سِلاَهْ.
3
ف قربك بالقى الأمان
حضنك هو المكان
اللي بالقى كفايتي فيه
وبتملاني بالحنان
