كلمات ترنيمة حصن ومأوى *

1- باألقى ف حضنك حصن ومأوى وأضعف آجى لحضنك أقوى

ده مفيش ولا أعظم ولا أقوى منك يا حبيبى يا يسوع

أنا باأشعر بوجودك جنبى ومشرفنى إنك ربى

وإن غيرك جيه يسكن قلبى باأكتب على قلبى ممنوع

القرار- عزى وكنزى وسر غنايا تسبيحى ولحنى وغنايا

طول أيامى إنت سلامى جوه آلامي إنت عزايا

2- يا إلهي ومولايا وسيدى واثق إنك ماسك إيدى

سامع شكوايا وتنهيدى حبك بان يا يسوع بوضوح

حبك زايد ومغطينى لما أبعد عنك تنادينى

وأرجع آلاقيك مستنينى وتملى بابك مفتوح

3- لا بتنسانى ولا بتهملنى مابتتخلاش أبداً عنى

رغم عيوبى متحملنى أنا غالى جداً فى عينيك

أي طريق غيرك يتعبنى وطريقك وحده يناسبنى

ياللى معايا ولا بتسيبني وصلنى يا إلهى إليك