1
بقالي مدة كبيرة ماقعدتش معاك
مع إني عارف قد إيه بتحبني
مع إني ضايع في الحياة من غير لقاك
كل ما أقرب حاجات كتير بتشدني
قرار
ما أنا ياما سيبتك وإنت ياما ندهتني
ولا ثانية واحدة بعدت عني وسبتني
وعشان حنانك يا يسوع راجع إليك
راجع باقول إنك بجد وحشتني
2
أنا ياما حسيت بالتعاسة والمرار
كان جوه مني خوف رهيب بيهزني
ومعاك سعادة مافيش مرار ولا انكسار
وانا مش هاخاف ما إنت بحياتي بتعتني
3
ضاعت سنين من عمري وأكلها الجراد
وعن اللي ضاع يا إلهي بيك عوضتني
أنا جاي بعد الغيبة وسنين البعاد
واللي اتهدم بايديك يا ربي هايتبني
(يؤ 2: 25)تلميح
«وَأُعَوِّضُ لَكُمْ عَنِ السِّنِينَ الَّتِي أَكَلَهَا الْجَرَادُ، الْغَوْغَاءُ وَالطَّيَّارُ وَالْقَمَصُ، جَيْشِي الْعَظِيمُ الَّذِي أَرْسَلْتُهُ عَلَيْكُمْ.
