كلمات ترنيمة يا بابا كيرلس يا سادسيا بابا كيرلس يا سادس

يا بابا كيرلس يا سادس يللي بشعبك دايمًا حاسس التعبان منهم بيجيلك عارف إنك بيهم حاسس يا بابا كيرلس

ياما شفيت وياما داويت ياما عنا كتير صليت الشياطين كانت تخضع لك باسم الرب اللي حبيت يا بابا كيرلس (لو 10: 17)تلميح فَرَجَعَ السَّبْعُونَ بِفَرَحٍ قَائِلِينَ: «يَا رَبُّ، حَتَّى الشَّيَاطِينُ تَخْضَعُ لَنَا بِاسْمِكَ!»

جوه طاحونتك عشت سنين أب حنين للبنين حضنك دافي يساع ملايين وعنيك دايمًا علي المساكين يا بابا كيرلس

علمتنا يا أبونا كتير علمتنا حبنا للغير نسيتنا كلمة فقير بمعنى حبك للخير يا بابا كيرلس

يا بابا عشت في أراضينا شمعة تنور ليل ليالينا معجزاتك دي حكاوينا نحكيها لأجيال بعدينا يا بابا كيرلس

هتفضل عايش في قلوبنا حتى إن مرت السنين وهتفضل مثال في حياتنا يا راعي الشعب الأمين يا بابا كيرلس