|
|
|
|
كلمات ترنيمة أنا إيه حصل لي، إيه حصل لي؟ *
1- أنا إيه حصل لي ! إيه حصل لي ؟
لا قادر أرنم ولا قادر أصلي !
وكأني في زنزانه ضلمه لا نور بيخرج ولا نور واصل لي
القرار - يا رب الأمان والحب يا طبيب الأطبا
يا كاشف خبايا القلب أنا أحوالي صعبه
إن كان التهاون خدني أو خدعة عدو بعدتني
رد لي بهجة خلاصك ومن سجن الفتور إنجدني
2- أنا عايز أعود لك وأرجع لحضنك
مالهاش أي معنى حياتي من غيرك
أنا مش دم ولحم وبس أنا روح حياتها شعاع من نورك
أرمي بذاتي على أعتابك وبالتواضع أنادي إرحمني
وعشمي فيك تفتح لي بابك وأصلي ليك وإنت تكلمني
يا رب الأمان والحب يا طبيب الأطبا
يا كاشف خبايا القلب .. إرحمني
وإفتح لي بابك .. رد لي بهجة خلاصك
____________________
*[ www.St-Takla.org ]
Like & share St-Takla.org
© موقع الأنبا تكلا هيمانوت الحبشي القس: الكنيسة القبطية الأرثوذكسية - الإسكندرية -مصر / URL:
https://st-takla.org / اتصل بنا على: