كلمات ترنيمة تمجيد أبونا فلتاؤس السرياني: في صفوف القديسينتمجيد أبونا فلتاؤس السرياني: في صفوف القديسين

في صفوف القديسين ذو مقام عالي وعظيم بوقار لبس الإسكيم

اتولد في الشرقية من اسرة تقية كنيسة روحانية

حفظ الالحان بضمير وحفظ كل المزامير في حب يسوع أسير

سنة اتنين وعشرين من القرن العشرين جه القديس الامين

كامل جرجس أيوب ببساطته في الأسلوب عاش عمره للمصلوب

كان يعطف ع الفقير لجيرانه يعمل خير يدي الاطفال كتير

أبونا مينا قابله البابا اتنباله رجل الله وهيعيشله

جيرانه عاشوا بعيد مع إبليس العنيد راح عاش على سطح وحيد

ده رفض الخطية والمتع الأرضية عاش سيرة نقية (عب 11: 25)تلميح مُفَضِّلًا بِالأَحْرَى أَنْ يُذَلَّ مَعَ شَعْبِ اللهِ عَلَى أَنْ يَكُونَ لَهُ تَمَتُّعٌ وَقْتِيٌّ بِالْخَطِيَّةِ،

وبعد صراع مرير مع ابوه علشان الدير قرر قرار أخير

ويسوع ساكن قلبه قام حبه ليه غلبه بقت الرهبنة طلبه (أف 3: 17)تلميح لِيَحِلَّ الْمَسِيحُ بِالإِيمَانِ فِي قُلُوبِكُمْ،

حاربه بالميطانيات 300 بثبات مجد رب القوات

هز راسه بالتأكيد قاله روح يا ابني اكيد دي حياة نسك وتمجيد

أنبا ثاؤفيلس رئيس دير السريان قاله إنت من الرهبان

صار فلتاؤس اسمه من ساعة ما رسمه الشيطان كان خصمه

وبعد تلات شهور بقى راهب بعد ظهور السيرافيم من نور

نال القمصية خدم في العزباوية .. العدرا النقية

وخدم دير مارمينا شبه نفسه ببهيمة .. طيبة محبة عظيمة (مز 73: 22)تلميح وَأَنَا بَلِيدٌ وَلَا أَعْرِفُ. صِرْتُ كَبَهِيمٍ عِنْدَكَ.

كان ينسخ مخطوطات ف اليوم 10 صفحات بأتضاع وانكار ذات

في الصحرا بيتأمل صابعه نزف ما اتحمل سائح شفاه وكمل ...

وبزهده كان جبار لحياة الوحده اختار قدم طلبه بأصرار

حط زلطة في فمه الشياطين اتلموا ضربوه ونزف دمه

يسكن في حصن الدير عيش ناشف ويا حصير صوم وبساطة وتدبير

وفي 2010 .. مرضه كان ليه بشرى .. ده يسوع حب وعشرة ...

وحبيبه أبونا مينا علاقتهم متينة .. شفى إيده الأمينة

انطونيوس السرياني قلايته كان باني ده صديقه الروحاني

بابا شنودة الحاني لبسه اسكيم رهباني تكريم كان له معاني

كان ناسك ف حياته عظيم ف جهاده بسيط ف كلماته

وفضل ف الرهبنه اتنين وستين سنه اشتياقه لربنا

قالوا نسر البريه لجل سيرته البهيه وسياحة وشفافية (إش 40: 31)تلميح وَأَمَّا مُنْتَظِرُو الرَّبِّ فَيُجَدِّدُونَ قُوَّةً. يَرْفَعُونَ أَجْنِحَةً كَالنُّسُورِ. يَرْكُضُونَ وَلَا يَتْعَبُونَ. يَمْشُونَ وَلَا يُعْيُونَ.

في 8 برمهات قابل رب القوات ده شفيع المستحيلات

مبروك يا خويا مبروك رحت لملك الملوك صليلنا يا حبيب أبوك

تفسير اسمك ف افواه كل القديسين الكل يقولون يا إله ابونا فلتاؤس اعنا اجمعين