كلمات ترنيمة وسط الضغوط هارنمها *

تصنيف موضوع الترتيلة: (إظهار/إخفاء)

• @

• @

1˗

(وسط الضُّغوط هارنِّمها
أتعلَّق بيه وأعلِنها

أنا مَحمِي في ستر القدير
مِش ها يِشمت فيَّ الشِّرِّير)

ق:

(ويجُود ما هو الجوَّاد يِفيض بكلّ البركات
الزِّيت اهو كفَّانا وزاد واتحلِّت كلّ الأزمات

وخِيرُه عمره ما بيِخلَص
ودقِيقُه عمره ما ها ينقص)

2˗

(تِرخَص تِغلَى مِش هاحتاج
ومهما البحر مُوجُه هاج

دا إلٰهي غني وانا واثِق فيه
يِدِّيني سلامُه ويهَدِّيه)

3˗

(ولو قَفَلِت كلّ الأبواب
وجُودُه يِكفي في الصَّعاب

اِدعيه يِجِي يِحضَر يتمجِّد
عندُه مخارج وبِيشدِّد)

4˗

(والاختبار المَرَّه دي
وهُوّ سامع لصلاتي

ها يكون أعظم من اللِّي فات
وبيصنع دايمًا معجزات)

5˗

(وانصُب أحجار المعونه
واشكر رعايتُه الحنونه

دا ياما سندني بوعدُه
واشهد بصلاحه ويدُّه)