كلمات ترنيمة بالنعمةبالنعمة

اوقات كنت كويس واوقات كنت ضعيف فى وقت كنت واقف وكتير تانى كنت واقع

مرات كنت أمين ووقت كتير نسيت أنا مين توّهت نفسى بنفسى ومشيت من غير طريق

حتى لما بتبقى غلطتى عمرك ما رفضتنى حتى لو قفلت الطريق بتبنى جسور وتمد اديك (لو 15: 20)تلميح فَقَامَ وَجَاءَ إِلَى أَبِيهِ. وَإِذْ كَانَ لَمْ يَزَلْ بَعِيدًا رَآهُ أَبُوهُ، فَتَحَنَّنَ وَرَكَضَ وَوَقَعَ عَلَى عُنُقِهِ وَقَبَّلَهُ.

لما كل الناس ترفضنى بتفضل جمبى بتحضنى كل ما يزيد احتياجي بتسدد اكتر من طلباتى (في 4: 19)تلميح فَيَمْلأُ إِلهِي كُلَّ احْتِيَاجِكُمْ بِحَسَبِ غِنَاهُ فِي الْمَجْدِ فِي الْمَسِيحِ يَسُوعَ.

حبك بيجري ورايا حتى وأنا مش قابل حبك بيجري ورايا حتى وأنا مكسوف من أخطائى حبك بيجري ورايا وأنا بضيع حياتي حبك بيجري ورايا وأنا مش بتعلم من غلطي

حبك بيجري ورايا وأنا مكمل في عنادي حبك بيجري ورايا حتى وأنا سادد وداني حبك بيجري ورايا وأنا لسه بحب الخطية حبك بيجري ورايا وأنا لسه قاعد في ضلمة