أرشيف كلمات الترانيم المسيحية | قاعدة بيانات الأناشيد الروحية على الإنترنت

فهرس الترانيم | ترنيمة مكتوبة | نص الترتيلة

كلمات ترنيمة شكل الحياة *

 

1- كسر بموته كل متاريس الحديد             شقشق بنوره فجر حد يوم جديد

ادانا روح من بعد موت وبقالنا عيد                 كانت قيامته لينا فرحة ما تتنسيش (2)

 

القرار

وبالقيامة اتغيرت شكل الحياه                   غير مصير كل اللي كان ضايع وتاه

شدد إيدين بتموت وقال لازم تعيش             وفتح أبواب مقفوله اصله أعظم إله (2)

 

2- قايم عشان يحيي اللي مات في ارض بور                   زرع الحياه في نفس عاشت في القبور

وبالحقيقه شفنا فيه معنى العبور            واهب بروحه سلام وخير ما ينتهيش (2)

 

3- من بين باكورة الراقدين قام المسيح                 ولكل واحد جوة ضلمه وكان جريح

اضاء عليه وعاش حياته في تسابيح       قصة خلاص مش ممكن يوم ما تتحكيش (2)

____________________
* كلمات: مادلين أنيس - ألحان: مينا سمير - ترنيم: كورال آساف المرنم (أداء فردي: نور أيوب، شادي عاطف، ساندي صابر).

---