أرشيف كلمات الترانيم المسيحية | قاعدة بيانات الأناشيد الروحية على الإنترنت

فهرس الترانيم | ترنيمة مكتوبة | نص الترتيلة

كلمات ترنيمة الله موجود | أنت جايلي بقوة عظيمة *

 

قرار
انت جايلى بقوة عظيمه.ترس ورمح يهدوا سدود
وبتعاير شعب الهى.مع انك انسان محدود
اما انا جاى بقوة ربى.خالق كل حياه ووجود
علشان كده جايلك مش خايف.(واثق ان الله موجود) 2
1 اختار الشعب لنفسه ملك.اسمه شاول طويل وجميل
ياخساره معاه قدام اعدائهم واقفين وماليهم خوف مذاليل
ومن الاعداء فجأه خرج وحش القوه معاه شئ مبينفعش
بيسب الشعب وقبله الهه والناس على حربه مبتقدرش
2 وداود غلبان زى العصفور واخد لاخواته معونه وأكل
فجأه لمحت عينيه جليات حاجه تخوف شئ فوق العقل
غيره اسمك ياالهى آكلتنى ازاى الاغلف ده يسبك
وكمان الناس دى ساكته عليه هو مفيش حد (هنا بيحبك؟)2
3 وندا من بين الشعب يقول:اللى ممكن يقتل جليات
راح ياخد من شاول بسخاء بنته ومعاها كتير خيرات
قرر داود ينزل قتاله مش خايف علشان ربه معاه
لو خاف كده يبقى نازل وحده لكن هو (الهه وياه) 2
4 جليات شافه استهزأ بيه سخر منه وضحك عليه
انت بقى جاى عشان تحاربنى هو انت شايفنى قصادك ايه ؟
اسكت واسمع انا جاى برساله انا صوت الهى اللى جاى ليك
حى هو رب الجنود معطينى باسمه (النصره عليك)2
5 وأخد داود من بين حجراته ضرب جليات ضربه بجد
ماهى اصلها كانت يد الله جامده وقويه قوه تهد
وقع الجبار فجأه وانهار قدام جنده وجيوشه هربت
وبسيفه داود انهى طغيانه والنصره بايد ربنا تمت
النصره تمت

____________________
* كلمات: إيهاب فؤاد - ألحان: مينا مجدي - ترنيم: كورال شباب الأتبا رويس (صولو: منير مجدي، منير وصفي).

---