قرار
إتبنّاني رضي بيّ
واشتراني حن عليّ
(أف 1: 5)تلميح
إِذْ سَبَقَ فَعَيَّنَنَا لِلتَّبَنِّي بِيَسُوعَ الْمَسِيحِ لِنَفْسِهِ، حَسَبَ مَسَرَّةِ مَشِيئَتِهِ،
1
بقالي في حضنه مكان
ونسيت أيام الحرمان
دا أهلي وعيلتي كمان
وراسمالي
2
ابن ليّ شأن كبير
أبويا يبقى القدير
إزاي أخاف أنا من الشرير
مهما جاني
3
نسّاني الماضي الأليم
خلّى لساني يقول ترنيم
غسّلني بدمه الكريم
وفداني
4
عوّض عن كل اللي راح
وضمّد كل الجراح
ويوماتي أعيش أفراح
وأغاني
5
تعالوا شوفوا يا ناس
يسوع إداني الخلاص
ماشي معاه مرفوع الراس
علّى مقامي
(لو 15: 5)موضوع
وَإِذَا وَجَدَهُ يَضَعُهُ عَلَى مَنْكِبَيْهِ فَرِحًا،
6
هاعيش له طول السنين
ابن خاضع وأمين
ولا أحيد عنه شمال ويمين
طول أيامي
