1
كُلّ السِنِينْ مَا تفُوتْ يَا رَبّ
وكُلّ عُمْرِي مَا يِجْرِي بِيَّ
بَاكْتِشِفْ يُومْ بَعْد يُومْ
أَنَا قَدّ إِيه مَلْيَانْ خَطِيَّة
وكُلّ مَا يمُرّ الزَّمَانْ
بتبَانْ عُيُوبِي الْمِتْدَارِيَّة
وَاحْسِبْهَا أَلْقَى إِنّ حُبَّكْ
رَغْم نَقْصِي كتِيرْ عَلَيَّ
وِانْ وِقِفْتْ قُصَادْ مِرَايْتِي
بَابْقَى خَجْلانْ مِنْ حَقِيقْتِي
بَسّ بَالْقَى الْحُبّ دَايْمًا
بِينَادِينِي فِي كِلْمِتَكْ
قرار
إِنْتَ أَعْظَمْ أَبّ شُفْتُه
أنت أروع حب عشته
الزمان بتزيد قساوته
وأنت أطيب قلب حب
لما بأسأل ليه حاببني
ألقى صوتك بيجاوبني
مهما يحصل أنت ابني
ومهما كان الأب أب
2
بِتْنَادِينِي وبِتْعَاتِبْنِي
مَهْمَا سِبْتَكْ مِشْ سَايِبْنِي
كُلّ هَدَفَكْ إِنِّي اعِيشْ
الْعُمْر كُلّه في نِعْمِتِكْ
لِسَّه الزَّمَانْ فَاكِرْ ويِشْهَدْ
إِنِّي يَامَا كَسَرْت قَلْبَكْ
لِسَّه فَاكِرْ لَمَّا فَضَّلْت
الْبعَادْ وهَجَرْتْ دَرْبَكْ
يُوم مَا غَمَّى الْوَهْم عِينِي
سِبْت بِيتِي وبِعْت حُبَّكْ
يُومهَا كَانِتْ نَظْرِةْ عِينِيكْ
رَغْم اللي كَانْ بِتْقُولْ بَحِبَّكْ
وَامَّا جِيتْ ارْجَعْ إِلِيكْ
بَصِّيتْ لقِيتْ صُورْتِي فِي عِينِيكْ
زي الخروف الضال لقيتني
فوق كتافك شلتني
1/2(لو 15: 20)تلميح
فَقَامَ وَجَاءَ إِلَى أَبِيهِ. وَإِذْ كَانَ لَمْ يَزَلْ بَعِيدًا رَآهُ أَبُوهُ، فَتَحَنَّنَ وَرَكَضَ وَوَقَعَ عَلَى عُنُقِهِ وَقَبَّلَهُ.
(لو 15: 5)تلميح
وَإِذَا وَجَدَهُ يَضَعُهُ عَلَى مَنْكِبَيْهِ فَرِحًا،
3
مَحَاسِبْتِنِيشْ عَنْ جَرْحِي لِيكْ
لَمْلِمْتْ أَوْجَاعِي بإيدِيكْ
ولقِيتْ إِيدِيكْ مَمْدُودَة لِيَّا
وجُوَّا حِضْنَكْ خَدْتِنِي
أَنَا مَا افْتِكِرش لنَفْسِي حَاجَة
وَاحْدَة حِلْوَة بطُولْ مَاضِيَّ
وابْقَى إِيه غِير قَلْب قَاسِي
وشَخْص مَوْلُود بِالْخَطِيَّة
أنَا اللي بَاعْرَفْ بَسّ اخُونْ
وَانْسَى الْوُعُودْ وَاجْرَحْ فَادِيَّ
كُنْت طُولْ عُمْرِي بَاسِيبَكْ
وانْتَ بِتْدَوَّرْ عَلَيَّ
مِشْ بَاجِيلَكْ غِير فِي جَرْحِي
عُمْرِي مَا افتِكرَكْ فِي فَرْحِي
قَلْبِي دَايْمًا نَاسِي إنَّكْ
إنْتَ مَصْدَرْ فَرْحِتِي
4
بَسّ رَغْمْ قَسَاوْتِي دِيَّ
بَالْقَى إيدَكْ مِش إيدَيَّ
لَمَّا عِينِي في مَرَّة تِبْكِي
هِيَّ تِمْسَح دَمْعِتِي
