St-Takla.org  >   lyrics  >   ar  >   songs  >   alif
 
St-Takla.org  >   lyrics  >   ar  >   songs  >   alif
أرشيف كلمات الترانيم المسيحية | قاعدة بيانات الأناشيد الروحية على الإنترنت
فهرس الترانيم | ترنيمة مكتوبة | نص الترتيلة

كلمات ترنيمة القداس   *

 

St-Takla.org                     Divider of Saint TaklaHaymanot's website فاصل - موقع الأنبا تكلاهيمانوت

1- صوت الجرس نغز جسمي        كأنه ناداني باسمي

فجيتلك جري، وأنا أَثَمي        مخليني في تعب وهموم

 

يا رب البُعد عنَّك نار        في بُعْدَك الحياة دي مرار

فيجت آخُد من الأسرار        يا ريت جوّايا ربي تدوم

 

وقبل ما يمشي ويسيبني        كَسَرْ خُبزة وقال: "يا ابني،

ده جسدي ده، وده دمّي        هَيبقولك طريق وحياة"

 

القرار

(هاتثبت فيَّ وأثبت فيك        ومين يا ابني هاييجي عليك

أنا سَنْدَك، أنا باقويك        بدوني مش هاتلاقى نجاة) 2

 

2- قابلتك ربّي في القِراءات        لقيت طِيبْ طَيِّب الجِراحات

وألحان فيها روحانيات        وصلوات طالعة ويَّا بخور

 

يا رب لحضنك أنا حَنِّيت        وبعد ضياع رجعت البيت

في آخر صفّ جيت وبكيت        وعشمان فيك أعود مستور

 

وقبل ما يمشي ويسيبني        كَسَرْ خُبزة وقال: "يا ابني،

ده جسدي ده، وده دمّي        هَيبقولك طريق وحياة"

 

3- قلوب محتاجة ربي سلام        بتصرخلك: "يا رب ارحم"

آمين، ارحمنا م الأيام        واهدينا لملكوتك

 

يا رب الشعب كله صفوف        وعايزين رحمتك يا رؤوف

مجيئك التاني يومه مَخوف        فارشِدنا بجمال صوتك

 

وقبل ما يمشي ويسيبني        كَسَرْ خُبزة وقال: "يا ابني،

ده جسدي ده، وده دمّي        هَيبقولك طريق وحياة"

 

4- ملايكة كتير وقديسين        في وسطينا هنا حاضرين

وفي القداس فرحانين        وبيقولوا: "أكسيوس"

 

يا رب بجد ما أحلاك        أنا في الأرض ولَّا سماك؟!

بِتِفرَح نفسي وأنا ويَّاك        يا الله القوي القدوس

 

وقبل ما يمشي ويسيبني        كَسَرْ خُبزة وقال: "يا ابني،

ده جسدي ده، وده دمّي        هَيبقولك طريق وحياة"

 

4- يا عهد جديد لكل الناس        يا موجود في صينيَّة وكاس

يا مَحلى الأكل م الأقداس        ملايكة بتشتهي تاكلُه

 

يا مُستحِق.. يا عادِل        أنا ولا كنت أستاهل

لكن بمراحمك باتناول        يعيش فيَّ المسيح نفسه

 

وقبل ما يمشي ويسيبني        كَسَرْ خُبزة وقال: "يا ابني،

ده جسدي ده، وده دمّي        هَيبقولك طريق وحياة"

____________________
* كلمات: أمير نبيل - ألحان: مينا سمير وهبة
* من مرنمي الترنيمة: فريق رسالة يسوع - أداء: ريهام نسيم، أبانوب أمجد، دميانة جمال، مينا القمص داود، إيريني سمير


© st-takla.org موقع الأنبا تكلا هيمانوت: بوابة عامة عن عقيدة الكنيسة القبطية الأرثوذكسية، مصر / إيميل:

الكتاب المقدس: بحث، تفاسير | القراءات اليومية | الأجبية | أسئلة | طقس | عقيدة | تاريخ | كتب | شخصيات | كنائس | أديرة | كلمات ترانيم | ميديا | صور | مواقع | اتصل بنا

https://st-takla.org/lyrics/ar/songs/alif/alqoddas.html