تصنيف موضوع الترتيلة: (إظهار/إخفاء) |
مش ممكن ضعفي يزعجني ولا ضيق في الطريق يتعبني
ولا يأس ولا خوف يرهبنى ده يسوع مش ممكن هايسبني
أنا جندي في جيشك ضعيف لكن فيك الأنتصار
أنا كرام أغرس و أروى وأنت اللي بتصنع ثمار
القرار
ها أعيش طول عمري أخدمك ده انت اللي اديتني الحياة
ها أعيش طول عمري أخدمك لغاية ما أوصل للسما
مش ممكن المال يشغلني ولا سعيي وراه هأيعطلني
عن هدفي وعن رسالتي اللي يسوع علشانها اختارني
أنا أفضل أعيش الجوع ولا نفسي لحبك تجوع
وأفضل أعيش فقير وأغني النفوس بيك يا يسوع
أنا هاقدم كل حياتي قلبي وفكري مع أوقاتي
تخدم بيهم انت يا ربى ومعاك تديني أصلب ذاتي
وأجاهد بصلاه ودموع وأثابر من غير رجوع
علشان الناس تعيش بيك وتدوق حلاوتك يا يسوع
____________________
*
الكتاب المقدس: بحث، تفاسير | القراءات اليومية | الأجبية | أسئلة | طقس | عقيدة | تاريخ | كتب | شخصيات | كنائس | أديرة | كلمات ترانيم | ميديا | صور | مواقع
تقصير الرابط:
tak.la/98cxqzv
