أرشيف كلمات الترانيم المسيحية | قاعدة بيانات الأناشيد الروحية على الإنترنت

فهرس الترانيم | ترنيمة مكتوبة | نص الترتيلة

كلمات ترنيمة النهاردة عيد، عيد إيه..؟ ده عيدك يا أنبا تكلا *

 

القرار
 
- النهارده عيد
- عيد؟ عيد إيه؟

- وأنا علشانه سعيد
- طب ليه؟

- أصله عيد حبيبنا، اصله عيد شفيعنا

القرار:

( النهارده عيد عيد؟ عيد إيه؟
وأنا علشانه سعيد طب ليه؟ ) (2)

ده عيدك يا أنبا تكلا نفرح فيه بأجمل ذكرى (2)
وادي احنا جينا وشاركنا في عيدك يا أنبا تكلا

 

1- لما كانت أمه عاقر ومحرومة م الأطفال
بعتلها الرب رؤيا على يد حبيبه الملاك
أصله كان شفيع الأسرة وبيعملوا له تذكار
يدعو فيه كل الفقرا ويعاملوهم بإفراط

 

2- لما جت مجاعة كبيرة واجتاحت كل البلاد
حزنت أمه حزن شديد بسبب عمل الفطار
مد إيده الأنبا تكلا في الكوب والإناء
جعل منه خير كتير وفرحت أمه وفرح الناس

 

3- مرة كان فيه شجرة كبيرة دخل فيها شيطان
يضحك ع الناس ويخليهم يسجدوا لها باستمرار
جه حبيبنا الأنبا تكلا وف ايده كل السلطان
اللي وهبهوله رب المجد وفضل ماشي وهي وراه

 

4- لما كان نازل م الجبل مربوط بالحبال
اتقطع الحبل ولكن ربنا عمره ما ينساه
بعتله الملاك ميخائيل عمله 6 جناحات
فضل بيهم طاير لحد ما نزل بسلام

 

5- كبر وكبر جهاده من أجل حبيبه المسيح
مهما التجارب تجيله دايماً قلبه مستريح
ولما كملت أيامه جمع كل أولاده
في إيد حبيبه المسيح سلم له كل حياته

____________________
* على لحن ترنيمة "النهاردة عيد".

---