كلمات ترنيمة علمني يا رب أعيش وياك طول السنين، لو مهما كان *

1- نفسي تبقى ياربي مالك مش مشارك حد في وتبقى سيد

نفسي تبقى بجد واخد قلب ساجد وابقى ليك وحدك أكيد

مين هايقدر بس مين إنه يعبد سيدين

كل كنوز الدنيا هتفنى وكله سراب

ومافيش شئ دايم في الإيد

القرار- علمني يارب اعيش وياك طول السنين لو مهما كان

إديلك حقك ف روحي وف مالي وكل الكيان

2- عشت وأنا محمي بوجودك نلت جودك صرت غرقان ف الديون

إتداينت بكتر خيرك مش لغيرك يعني أعيش واموت مديون

ربي قلبي ليك أسير كنت عبد بقيت امير

كل ما فيي وكل ما لي ده فضل غناك

ياللي لولاك انا عمري ما أكون

3- كل حاجه بين إيدي هي جاية يارب لي من إيديك

ومهما كنت بأحاول أدي أنا على قدي وباقدملك منك ليك

أصلي مهما اديت كتير لسه انا العبد الفقير

ومافيش عبد بيوفي جمايل سيده عليه

يعني انا عمري ما هاوفيك