أرشيف كلمات الترانيم المسيحية | قاعدة بيانات الأناشيد الروحية على الإنترنت

فهرس الترانيم | ترنيمة مكتوبة | نص الترتيلة

كلمات ترنيمة عايز أعطي، عايز أدي في السر ومن غير إعلان *

 

عايز أعطي عايز أَدِّي

في السِّر ومِن غير إعلان

ما أتمَنظَرشي وأقول مين أَدِّي

ولا اقول شوفوا بأدفّع كام

حُبِّي وَوَقتي وجُهدي

ومالي إللي أقدَر أدِّيه

وما أعَرَّفشي حَتَّي شِمالي
يميني بتٍعمِل إيه

بَنك السَّما ده فَوَايدُه كِتير

ولا مِليون دَفتَر تَوفير

لَمَّا بِتِدِّي بِتاخُد مِنُّه
كِدَه مِن غير صَرَّاف

أنا لَمَّا أَدِّي أي فقير
الدُّنيا بِتمَطَّر خير

والشيء النُّونو إللي دَفَعتُه 

    يرجَعلي أضعاف

مِن عَطاياك يا يسوع بادِّيك
وإللي مَعايا ده مِنَّك لِيك

بأدفَع . مش بأدفَع مِن جيبي
مِن قلبي وفَرحان

عارِف
 إنِّي مش هاغنيك
لَكِن بأدفَع حُبَّاً فيك

وعَشان إنتَ يارب حَبيبي 
أنا أغنَي إنسان

____________________
*

---