St-Takla.org  >   lyrics  >   ar  >   songs  >   meem
 
St-Takla.org  >   lyrics  >   ar  >   songs  >   meem
أرشيف كلمات الترانيم المسيحية | قاعدة بيانات الأناشيد الروحية على الإنترنت
فهرس الترانيم | ترنيمة مكتوبة | نص الترتيلة

كلمات ترنيمة مستغربة *

 

St-Takla.org                     Divider of Saint TaklaHaymanot's website فاصل - موقع الأنبا تكلاهيمانوت

* مستغربة ان انت لسة بتحبني وأنا ماستاهلكش
رغم اللي فيا صابر عليا ومستحملني ومابتزهقش
بصراحة باستكتر عليا الحب ده ما انا حاسة نفسي ما انفعكش

* ماعرفش ليه وازي قابلني وأنا رافضة نفسي وحالي صعب
طب إيه اللي عاجبك فيا هو انا فيا ايه اصلاً يتحب
بجد عمري ماشفت صبر طويل كدة بجد باستغرب يا رب

* ما انا أصلي ياما حاولت إني أبقى أحسن من كدة
لكن فشلت وكنت بارجع أبقى أوحش من زمان
لكن أكيد فيه حل عندك يا رب انا متأكدة
ما هو انت بالذات مش هاتفشل فيا ابداً مهما اكان

* انا محرجة مكسوفة من حبك يا رب ورحمتك
أنا عارفة إني وحشت شكلي بس أملي ف لمستك
رجعني تاني يا رب أجمل وشيل وحاشتي وخبي ضعفي ف نعمتك

* كان لازم اجي من بدري حتى لو كنت هاجي متوجعة
لو مهما كان هاخد أمان مش هابقى راجعة مدمعة
بقالي مدة مابحسش اني متطمنة بس النهارده متشجعة

* أنا جاية ليك وأنا عارفة إني هارجع احسن من كدة
عشان انت عندك حلول لحالتي ولحالات أصعب كمان
أنا ممكن افشل بس انت لأ .. يا رب انا متأكدة
مش ماشية غير وانت مداويني ومالي قلبي بالأمان

____________________
* من مرنمي الترتيلة: كورال فريق "المس إيدينا" - كلمات: إميل يوسف - ألحان: بيتر بديع.


الكتاب المقدس: بحث، تفاسير | القراءات اليومية | الأجبية | أسئلة | طقس | عقيدة | تاريخ | كتب | شخصيات | كنائس | أديرة | كلمات ترانيم | ميديا | صور | مواقع

https://st-takla.org/lyrics/ar/songs/meem/mestaghraba.html

تقصير الرابط:
tak.la/92asw5j