كلمات ترنيمة النهاردة عيد، عيد إيه..؟ ده اليوم اللي فيه نَجَّانيالنهاردة عيد، عيد إيه..؟ ده اليوم اللي فيه نَجَّاني

إحكيلنا إزاي ده حصل؟ لما كنت سايب نفسي للشيطان ملا قلبي قساوة أزعل منك وأزعلهم ولا أبطلشي عناد وشقاوة مرة بافتش بين أوراقي قابلتني صورة فيها يسوع واقف علي باب قلبي بيخبط ولقيت عينيَّ ملتها دموع (رؤ 3: 20)تلميح هَنَذَا وَاقِفٌ عَلَى الْبَابِ وَأَقْرَعُ. إِنْ سَمِعَ أَحَدٌ صَوْتِي وَفَتَحَ الْبَابَ، أَدْخُلُ إِلَيْهِ وَأَتَعَشَّى مَعَهُ وَهُوَ مَعِي.

والنهاردة عيد عيد إيه؟ وأنا علشانه سعيد طب ليه؟ ده اليوم اللي فيه نجاني ربي يسوع ولحضنه دعاني في الاعتراف ريَّح لي قلبي وبالتناول قواني

أحكيلنا كان إيه العمل كان لازم أتحرك وأجري عالكنيسة بدون تأخير وأعترف لأبونا الكاهن عن كل صغير وكبير ومن ساعتها جالي إحساس إني كنت شايل أحمال زالت عني وصبحت نفسي حرة وطاهرة تمام في الحال (مت 11: 28)تلميح تَعَالَوْا إِلَيَّ يَا جَمِيعَ الْمُتْعَبِينَ وَالثَّقِيلِي الأَحْمَالِ، وَأَنَا أُرِيحُكُمْ.

أحكي كمان وأدينا أمل وتاني يوم م الفجر قوام روحت علي الكنيسة أصلي وأتناولت ونولت كمان النعمة اللي تعزي تملي في كل خطوه كنت بصلي وأقول يا ربي أديني إيمان إني أحارب وأقدر أغلب وأمجدك في كل مكان

خلاص كده تبقي أنت بطل أبدًا دي النعمة اللي وهبها ربي يسوع لجميع الناس دنا من غيره كنت زماني لسه فقير من غير إحساس وأنا دلوقتي بقول يا إلهي أشكرك في كل زمان اذكر يا ربي اللي سامعني ولا بيناديك في كل مكان ‹1/2›(1 كو 15: 10)تلميح وَلكِنْ بِنِعْمَةِ اللهِ أَنَا مَا أَنَا، وَنِعْمَتُهُ الْمُعْطَاةُ لِي لَمْ تَكُنْ بَاطِلَةً، بَلْ أَنَا تَعِبْتُ أَكْثَرَ مِنْهُمْ جَمِيعِهِمْ. وَلكِنْ لَا أَنَا، بَلْ نِعْمَةُ اللهِ الَّتِي مَعِي. (تي 2: 11)إعادة صياغة لأَنَّهُ قَدْ ظَهَرَتْ نِعْمَةُ اللهِ الْمُخَلِّصَةُ، لِجَمِيعِ النَّاسِ،

النهاردة عيد عيد إيه؟ وأنا علشانه سعيد طب ليه ده اليوم اللي فيه نجاني ربي يسوع ولحضنه دعاني في الاعتراف ريَّح لي قلبي وبالتناول قواني